एजेन्सी। स्पेनमा पहिलो पटक एक समलिङ्गी जोडीले बच्चालाई जन्म दिएका छन् । युरोपको इतिहासमा समलिङ्गी जोडीले सन्तानलाई जन्म दिएको यो पहिलो पटक हो ।
मेट्रोको समाचार अनुसार डेरेक एलोय नामको बच्चा स्पेनको माजोर्काको पाल्मामा अक्टोबर ३० मा जन्मिएको थियो । त्यो बच्चा ३० वर्षकी एस्टेफानिया र २७ वर्षकी अजहाराको जोडीबाट जन्मिएका हुन । यस अवधिमा अजहाराले आफ्नो छोरालाई ९ महिनासम्म आफ्नो गर्भमा राखेकी थिइन् तर उनलाई जन्म दिने अण्डा भने एस्टेफानियाको कोखबाट भएको थियो ।
यो दम्पतीले स्पेनको प्रजनन क्लिनिकको सहयोगमा यस वर्ष मार्चमा अभिभावक बन्ने यात्रा सुरु गरेका थिए। उनीहरूले अभिभावक बन्न इन्भो सेल नामक प्रजनन प्रविधि प्रयोग गर्ने निर्णय गरे । इन्भो सेल इंट्रावैजिनल कल्चरमार्फत बच्चा जन्माउने प्रविधि हो । यसका लागि एस्टेफानियाको योनीमा अण्डा र शुक्रकीटको क्याप्सुल हालिएको थियो । अण्डा र शुक्रकीट क्याप्सुलहरू ५ दिनको लागि ठाउँमा छोडियो, यसले प्राकृतिक रूपमा गर्भधारण गर्न सजिलो बनायो ।
स्पेनमा बच्चालाई जन्म दिन डाक्टरहरूले गर्भावस्थाको अर्को चरणका लागि केही विशेष कुराको ख्याल गरेका छन् । तिनीहरूले अजहाराको पाठेघरमा अण्डाहरू सार्नुअघि भ्रुणहरूको निरीक्षण र चयन गरेका थिए । अजहराले नौ महिनासम्म बच्चालाई गर्भमा राखेकी थिइन् र अक्टोबर ३० मा डेरेक इलोय नामको बच्चालाई जन्म दिइन् । यस अवधिमा दम्पतीले सम्पूर्ण प्रक्रियामा रु ४ लाख ५७ हजार ९०९ रुपैयाँभन्दा बढी खर्च गरेका छन् ।
डेरेकको जन्म सम्भव गराउने टोलीका एक डाक्टरले यो इन्भोसेल प्रक्रियाको विशेषता भनेको दुवैले भ्रुण लिन र आवश्यक भएसम्म एकअर्कासँग बाँड्न सक्ने बताए । यसबारे आमाबाबु बनेकी एस्टेफानियाले भनिन, ‘मेरो साथी र म एकअर्कालाई हेर्छौं । हामीलाई लाग्छ कि यो केही हो, जुन हामी दुबै भित्र रहेको छ, केही जुन हामीले सँगै गरेका छौं ।’ अहिले उनीहरू दुबै खुसी रहेका छन् ।
उनीहरूअघि अमेरिकामा एक समलिङ्गी जोडीले बच्चा जन्माएका थिए । सन २०१८ मा टेक्सासका दुई विवाहित महिला एकल बच्चा जन्माउने विश्वको पहिलो महिला जोडी बनेका थिए । टेक्सासको बेडफोर्डको केयर फर्टिलिटीका प्रजनन विशेषज्ञ डा. क्याथी डुडी र उनका पति डा. केभिन डुडीले ‘रेडिकल’ प्रविधि प्रयोग गरेर उनीहरूको गर्भाधारण गराइएको थियो । जसका कारण दुवै महिलाले आमा बन्ने खुशी पाएका थिए ।
