हरिनगरमा ड्रगनफ्रुट सङ्गै सयपत्री फुलको व्यवासायिक खेती

इनरुवा । सुनसरीको हरिनगर गाउँपालिका २ गोतमपुरका विद्यार्थि अमन मेहताले पढाई सङ्गै कमाउने गरेका छन। ड्रगनफ्रुट सङ्गै सयपत्री फुल खेती लगाएर आफ्नो भबिस्य कृषिमै खोजीरहनु भएको छ ।

मेहता कृषि विज्ञानका विध्यार्थी भएकाले एउटै खेतमा एक साथ दुई वाली लगाएर नमुना उदाहरण प्रस्तुत गर्नु भएको छ । मेहताले कृषि तथा वन विज्ञान विश्वविद्यालय, रामपुर-चितवनमा अध्यन गर्दा पाएको शिक्षालाई व्यवाहरिक जिवनमा उतार्नु भएको छ। मेहताले कोशी प्रदेश सरकारको अनुदानमा ड्रगनफ्रुट र आफ्नो लगानीमा सयपत्री फुल ७ कठ्ठामा लगाउनु भएको छ।

उहाले दुबै बालीबाट पहिलो बर्षमै एक लाख रुपैया आम्दानी गर्नु भएको छ । भने निरन्तररुपमा बार्षिक पाँच लाख आम्दानी गर्ने लक्ष्य लिएको बताउनु भयो। सुनसरी सदरमुकाम इनरुवाको दक्षिणि भेगमा पहिलोपटक ड्रगनफ्रुट र सयपत्री फुलको व्यवासायिक खेती गरेको हरिनगर गाउँपालिका कृषि शाखाका भुवनेश्वर यादवले जानकारी दिनु भयो। मेहताले उत्पादन गरेको ड्रगनफ्रुट र सयपत्री फुल स्थानीय बजार, इनरुवा लगायत विराटनगरमा विक्री वितरण गर्दे आएको हो। मेहतालाई गाउँपालिकाको कृषि शाखाले प्रविधिक सल्लाह तथा परामर्श दिदै आएको प्राविधिक यादवले बताउनु हुन्छ।