काठमाडौँ । गायक सुवास खत्री, सुनिता बुढा क्षेत्री र गायिका समीक्षा अधिकारीको स्वरमा रहेको नयाँ गीत ’रुँदै हिँड्नु पर्छ ’को भिडियो सार्वजनिक गरिएको छ । ’रुँदै हिँड्नु पर्छ ’ बोलको लोक तथा दोहोरी गीतमा सुजित खत्रीको शब्द तथा हेमन्त कान्छा रसाइलीको सङ्गीत रहेको छ। गीतमा सारिका केसी र दिनेश पुरीको अभिनय देख्न सकिन्छ । गीतमा परदेशी भूमिमा जीवनमा सुनौला सपना बोकेर हिँडेका युवाहरूको पिडा र व्यथालाई गीतमा समेटिएको छ । विशाल घिमिरेको निर्देशन रहेको भिडियोको छायाङ्कन नवराज उप्रेतीले गरेका छन् भने सम्पादन नवीन घर्ती मगरले गरेका छन् । गीतको भिडियोलाई सुवास खत्रीको अफिसियल युट्युव मार्फत बजारमा ल्याइएको छ ।
